幫手Sell新劇 馬國明:我同黃心穎沒有仇!

tvb電視迷 發佈 2020-01-09T17:54:17+00:00

馬國明更主動說有睇心穎的《丫鬟大聯盟》:「個劇簡簡單單睇得好開心,咁我都有睇《黃金有罪》,兩個劇唔同風格都好啱。

TVB藝人馬國明和張穎康出席活動,講到前女友黃心穎在上年聖誕前已返港,問到可有見面?馬國明坦言:「冇見,未有機會。(唔抗拒見面?)我冇乜所謂,我都有send訊息畀佢,好似『聖誕快樂』咁,我哋仲系好朋友,唔好誤會我哋有仇先得。」


馬國明更主動說有睇心穎的《丫鬟大聯盟》:「個劇簡簡單單睇得好開心,咁我都有睇《黃金有罪》,兩個劇唔同風格都好啱。」說到因「安心偷食事件」網民罷睇《丫》劇?馬國明謂:「唔需要咁,每個劇唔系一個人做,所有嘢都要台前幕後先做到,你睇一個人就抹殺其他人嘅努力,正如你唔鍾意睇馬國明,但你都可以睇郭晉安㗎。」


有指心穎回港是為復出鋪路?他則言:「唔知呀。(支持佢復出?)呢個你問番佢,佢自己選擇嘅嘢。」心穎換了新髮型,新look在網上分享?馬國明謂有睇到大家報導,都ok嘅。


另外,講到TVB台慶頒獎禮馬國明是視帝大熱,他表示都一貫平常心,他眼中陳山聰、袁偉豪、姜皓文、王浩信及郭晉安都是大熱,所以今年對手好平均很難估。講到投票,他笑言:「不嬲唔投自己,好尷尬,都會投人哋,會投番畀《白色強人》嘅郭晉安,『最佳劇集』就投《白色強人》。」可想贏視帝?他謂每年都是平常心最好,出席頒獎禮會視為一個與同事的聚會。


關鍵字: