熱播劇集《機場特警》
觀眾有贊有彈
可樂君覺得
輕輕鬆鬆都幾啱送飯嘅
呢出劇唔like唔緊要
接下來TVB要播出嘅新劇
都會相當刺激！
首先係今晚首播嘅
《十八年後的終極告白》
主演有譚俊彥、陳山聰、
黃智雯、楊秀惠等等
劇集改編自香港十大奇案之一
「秀茂坪童黨案」
想了解更多呢單case
可以上網search下
睇劇照都幾有feel
故事圍繞十八年前
一單命案展開
十八年後骸骨意外重見天日
究竟當年真相係咩呢？
今次懸疑嘅地方就在於
知道18年前係7個屋邨少年埋屍
但唔知道邊個先係兇手
亦有可能係局外人
另外
隨著十八年前秘密浮現
又會發生新嘅案件
而調查案件嘅黃智雯
佢老竇竟然秘密查探骸骨？
究竟有咩隱情呢？
除咗懸疑
仲有驚險環節
睇起身都OK咁wor
well
雖然譚俊彥先係男主角
但山聰都好搶眼
尤其是睇過
佢之前主演嘅《金宵大廈》
而今次劇集
佢仲會貢獻爆肌場面
emmm
TVB最近出出戲都要爆肌？
BTW
主題曲又係鄭俊弘唱
插曲有戴祖儀翻唱嘅
《分分鐘需要你》
除咗呢部懸疑劇
5月初仲有「神劇」回歸！
講緊嘅就係馬明主演嘅
《降魔的2.0》
新一季會喺5月4日播出
由原班人馬延續上一季故事
的士佬馬季經歷一連串奇異事件後
決定走上降魔人之路！
石敢當上一季消失咗
今次胡鴻鈞係以馬季童年好友
豪仔靈魂嘅身份出現
兩人將會組成降魔拍檔
豪仔協助馬季之外
亦會對佢發出連番考驗
而馬季嘅靈力都會逐漸提升！
新一輯黃智雯飾演嘅芷若
會與馬季再續前緣
劉佩玥飾演嘅啤啤上輯遇害
今次將化身靈體守護馬季
另外佢喺靈界主持節目
成為咗靈界KOL！
降魔路上仲會有新成員加入
由麥凱程、鄧佩儀飾演
全職降魔富二代施勞斯與施萊斯
佢哋同馬季之間
會發生驚險搞笑嘅故事
蔣志光、黃子恆、何遠東、
金剛、小儀等角色將會「復活」
以不同狀態再度現身
張彥博將以女裝反串出演
江嘉敏會演胡鴻鈞初戀等等
反派角色方面
會新增譚凱琪飾演嘅海之精靈
佢操控成為水鬼嘅豪仔
做盡不義之事
更化身人類
介入馬明&黃智雯之間嘅感情
原班人馬加上新成員
應該會擦出更多火花
可樂君已經準備好上車！！！
well
有無發覺兩齣劇都有黃智雯？
佢曾經憑《三個女人一個因》
成為新馬雙料視後
大家都幾鍾意佢噶！
接下來仲有重頭劇
《使徒行者3》
唔通佢就係今年視後預定？
大家一齊睇下點啦！
呢兩齣港劇啱唔啱你胃口？
大家最近追緊咩劇呢？
資料來源：TVB官博
埋堆堆、劇照
藝人社交平台
編輯：Junko
*文中圖片如涉及侵權請聯繫，立即刪除
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609