《十八年後的終極告白》
終於都大結局啦
大家尋晚有無坐定定
喺電視機前面睇？
雖然喪屍唔係阿Sam殺
但「一步錯，步步錯」
阿Sam都係成為咗Final Boss！
（點擊可回顧）
《十八年後》神秘第8人曝光！譚俊彥先係Final Boss？陳山聰有料爆！
尋晚大結局講到
阮Sir約阿Sam去廢校
真相終於爆出！
阿Sam依然執迷不悔
希望件事可以繼續瞞落去
點G勸唔掂阮Sir
阿Sam又想殺人滅口
非常驚險！！！
睇到大家都好肉緊
仲要大讚呢段戲影帝級別！
接下來呢段更犀利
可樂君隔著螢幕
都feel到大家幾咁激動
俾3秒大家估下係發生咩事！
3
.
.
2
.
.
1
.
.
阿Sam想捅死阮Sir嘅時候
阿一突然衝出來
阿Sam就捅中咗阿一
全劇最有情有義嘅一哥
被人捅中心口
依然用最後一口氣
勸阿Sam唔好再錯落去
阿Sam殺咗好兄弟
自己都好崩潰
仲記得阿倩嗎？
一哥之前被人劈都唔死
今次被兄弟一捅就瓜
真係心痛一倩CP！！！
之後阿Sam入獄
譚俊彥又再演技大爆發
笑住喊，喊住笑
同後生版嘅自己懺悔
睇到可樂君起曬雞皮！！！
Sam同阿媽對話嘅一場戲
都好令人心噏
入獄時阿媽話等佢出獄
結果都係等唔到
到最後Sam依然得不到原諒
完全失去阿瑾嘅消息
留下一生懊悔
而肥仔富可能係幾兄弟裡邊
過得最好嘅一個
佢同強嫂一齊咗
唔通呢D就係「好人有好報」
「傻人有傻福」？？？
最後劇集仲整咗個「平行時空」
幻想如果十八年前冇殺人事件發生
佢哋幾兄弟一齊開心相聚嘅情景
結局播出後
各位主演都紛紛發出感言
楊秀惠更加係髮長文感謝大家
《十八年後》終於告一段落
雖然一開波睇到又係譚生主演
大家心理上都有D抗拒情緒
但係睇完《十八年後》
你有無get到譚俊彥嘅演技呢？
可樂君就覺得
比起嗰D正氣嘅角色
譚生演斯文敗類似乎更加適合
比如話今次演林朗生阿Sam
雖然外表正氣唔敢行差踏錯
但原來最執迷不悔嘅係佢
呢個角色真係好令人驚喜！！！
另一邊廂
大家都好like陳山聰
接受唔到佢個角色就咁瓜咗
仲回憶起佢《同盟》嘅表現
接下來TVB將播出
《飛虎之雷霆極戰》
又有陳山聰
你哋會唔會睇？
Any肥
你覺得《十八年後的終極告白》點？
邊個角色最有驚喜？
譚俊彥今年可唔可以憑呢出戲
成功攞到視帝呢？
資料來源：TVB官博
埋堆堆、影視截圖
藝人社交平台
網際網路綜合整理
*文中圖片如涉及侵權請聯繫，立即刪除
點擊下圖或掃二維碼get最新665期《可樂生活》▼
海鮮包送到屋企
你都可以做廚神
▼
一次過get全年可樂報
投稿情色急症室
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609