木村花係邊個？？？
佢係一個來自日本嘅
女摔跤手，
後生，靚女，有活力。
佢為人熟知係因為
參加咗戀愛節目
《雙層公寓：東京2019-2020》。
因為近期喺節目上嘅表現，
佢受到大批網友攻擊，
每日都有人叫佢去死。
最終，
佢不堪壓力，
自殺身亡。
終年22歲。
究竟佢做咗D咩，
大家要咁狠毒/猛烈去鬧佢？
最引起大家討論嘅一幕，
就係佢同
另一個男仔吵交。
係佢洗完衫唔記得拎翻衫出來，
個男仔又緊接住洗，
撈亂咗啲衫，
當中包括佢好愛錫嘅摔跤戰衣。
事後戰衣甩色，
木村花大發雷霆，
當住鏡頭面大鬧個男仔。
就係呢一幕，
令網友覺得佢人格有問題，
於是蜂擁而至，
展開猛烈攻擊。
單憑呢件事來睇，
絕對，
冇必要咁去鬧佢吧？？？
都係生活上嘅小事。
所以好明顯，
網友去鬧佢嘅真實原因，
大家都知道，
係發泄為主。
我哋平日講嘅鍵盤俠，
無論喺邊個國家都有。
忽然覺得英文中，
鍵盤俠嘅解釋好準確，
喺生活中無法釋放嘅憤怒，
遷徙到網上。
呢件事喺日本社會掀起好大波浪，
好多人聲討網絡暴力，
日本總務相高市早苗表示，
匿名誹謗他人嘅行為卑劣，
政府將加快修改相關法律，
懲治施暴者。
網絡暴力，
講咗咁多年，
都有唔少明星自殺/抑鬱症，
莫講明星，
普通人唔少人遇上過。
而情況，
似乎係越來越嚴重，
好似冇改善過咁？？？？
（圖為粉絲悼念木村花）
網絡暴力，
到底點樣發展成咁呢？？？？？
首先上網鬧人唔使本，
可以匿名，開N個小號；
當發現有人同你一樣意見，
再發現好多人同你一樣意見，
就會覺得件事好似有道理；
暴力嘅語言用得越來越習慣，
越來越方便，
直接打縮寫/發表情就得了；
加上網爆出現得多，
大家開始習慣，
因為控制唔到，所以選擇無視。
我哋平日堅持環保，
每人每日選擇用少一個膠袋，
世界就不一樣。
同樣地，
我哋每人每日選擇少打一句罵詞，
網絡世界，
就會不一樣。
資料來源：微博
網際網路綜合整理
編輯：JZ
*文中圖片如涉及侵權請聯繫，立即刪除
點擊下圖或掃二維碼get最新666期《可樂生活》▼
海鮮包送到屋企
你都可以做廚神
▼
一次過get全年可樂報
投稿情色急症室
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609