之前可樂君都同大家八卦過
劇中花弗嘅殺手Zero陳豪
同老婆 Aimee 結婚7年
出嚟拍拖依然甜度爆表
☟
7年不癢！陳豪陳茵薇行街拍拖，竟然勁有初戀feel？！
粉絲都話
陳豪點會令我哋失望
留言仲得到好多個like！！！
睇睇阿Mo嘅社交平台
佢都好專一噶
IG只係關注咗兩個號
一個係老婆Aimee
另一個就係自家咖啡品牌
po嘅內容
基本都係工作同咖啡
果然
佢對咖啡愛得好深
深到無論日常同拍劇
都見到咖啡嘅蹤影！！！
阿Mo個帳號得工作同咖啡
邊度可以睇佢哋放閃？
咁就要打開Aimee個IG啦
裡面好多一家人嘅開心相！
除咗po相之外
Aimee仲會點讚阿Mo咖啡品牌
兩公婆實行隔空示愛
wow
七年不癢
仲要keep住sweet sweet
究竟係點做到嘅呢？！
氹老婆呢方面
阿Mo有佢自己嘅秘笈！！！
比如之前行街被拍
阿Mo就話Aimee平時
照顧三個小朋友太辛苦
當自己得閒就盡丈夫嘅責任
陪老婆行街shopping
家庭關係又係點維持呢？
阿Mo就表示夫妻感情越好
家庭裡邊越開心：
「越多愛，細路仔D性格
先至越光亮，先至會開心。」
阿Mo同老婆之間
仲有個承諾
每年去個二人世界嘅trip：
「我想將我哋之間嘅愛維繫住，
等屋企充滿住愛，
所以我哋好注重攬攬錫錫，
表達同對方嘅愛，
我哋經常做，
就係想啲細路學識咩叫愛。」
又要拍劇又要打理咖啡生意
阿Mo湊仔時間唔多
但三個小朋友依然好黐佢
究竟係點解呢？
阿Mo就話
因為自己都好想黐住小朋友
而且同佢哋經常有肌膚之親！
「小朋友黐我哋，
因為我哋好黐佢哋，
我哋想同佢哋一齊，
佢哋先會想同我哋一齊，
先會同你friend，呢啲就係愛。」
「我哋經常bye bye前錫錫，
臨走前又錫錫，
變咗佢哋肢體上會多啲接觸，
會走嚟坐大髀，
嗰種肌膚之親都幾緊要噶！」
對於囡囡第時可能入行
好爸爸阿Mo就話支持！
「女大女世界，我哋做父母嘅，
好好準備佢哋面對佢哋嘅將來，
起碼讀好啲書有個好好基礎先，
到時做咩自己再選擇，
將來靠佢哋去闖，
作為Daddy做咩都會支持。」
嗱
阿Mo講嘅嘢
簡直袋錢落你袋
想keep住一家人sweet sweet
記得最緊要有愛啊！
資料來源：藝人社交平台
網際網路綜合整理
編輯：Junko
*文中圖片如涉及侵權請聯繫，立即刪除
點擊下圖或掃二維碼
get最新667期《可樂生活》
▼
海鮮包送到屋企
你都可以做廚神
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609