今日見到新聞
#吳尊林麗吟婚禮
有好多網友
同可樂君嘅反應都係：
「又結？」
吳尊同老婆
其實一直都參加緊節目
叫做《婚前21天》
即係之前爆出佢哋
當年領證時間嘅個個節目
爆出隱婚時候嘅片段
係當時呢個節目嘅預告片
已經係3月份嘅事了
想睇飛輪海當年嘅八卦
可以點圖回顧
依家到咗最新一期
佢哋終於去到
辦婚禮嘅呢一步
所以怪唔得好多人都覺得
吳尊好似一直都喺度
反反覆復提結婚呢件事
最新一期節目
吳尊同老婆林麗吟
終於補辦咗當年
因為種種原因
無辦成嘅婚禮
婚禮現場非常浪漫
吳尊深情告白老婆
畢竟隱婚咁耐
「那種非一般的壓力
只有你跟我懂」
告白最後
仲摞出戒指下跪
求下一世嘅婚
婚禮現場
仲有驚喜環節
花童係佢哋嘅仔仔同女女
BTW
佢嘅兩個小朋友
Neinei和Max
都已經長大了
吳尊仲要親自
設計布置咗一間時光博物館
唔單止牆上刻咗兩個人嘅名
而且博物館入面
全部擺滿兩個人
從出生開始嘅好多物件
而第一份物件
係佢哋兩個嘅出生證明
竟然係同一間產房
同一日相隔5個鐘頭出世嘅
真係好有緣分
吳尊都循例
發咗長篇大論
來表達自己嘅感想
吳尊之前被爆出
話當年出道時候隱婚個陣
其實輿論都幾兩極
支持佢同鬧佢嘅言論都有
但係可能結婚呢件事
真係反反覆復
拎出來講咗太多次
網友都已經睇到攰了
今次節目一出
好多人都係話佢炒作
仲有網友話佢已經過氣
要拉老婆仔女出來炒話題
吳尊呢幾年
真係上好多綜藝節目
而且基本都係同小朋友有關
《爸爸回來了》第一季
係帶住個女Neinei
後來《爸爸去哪兒》第五季
係帶住仔仔女女一起
親子節目幫佢圈咗唔少粉
但係佢嘅其他影視作品
都基本無咩火花
數量亦唔多
當年出道嘅時候隱婚
仲要一直賣單身人設
依家又博命咁
同自己立顧家好男人嘅人設
怪唔得有d網友反感噶
其實佢老婆都幾慘
結婚24年了
最近幾年先開始
可以堂堂正正出現
而且仲要喺綜藝節目
曬恩愛俾大家睇
都有網友覺得
佢哋兩位係
好似童話故事咁美好嘅愛情
覺得好羨慕咁話
向來對於吳尊嘅評價
都頗為兩極
咁你覺得咧？
資料來源：微博
藝人社交平台
節目截圖
網際網路綜合整理
編輯：zhangxiaoli
*文中圖片如涉及侵權請聯繫，立即刪除
點擊下圖或掃二維碼get最新666期《可樂生活》▼
海鮮包送到屋企
你都可以做廚神
▼
一次過get全年可樂報
投稿情色急症室
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609