最近喺電視機
見得最多嘅男藝人係邊個？
之唔係洪永城lor
早前結束嘅劇集
《多功能老婆》有佢
飾演一個愛妻小男人
對老婆朱晨麗冇曬符！
新嘅古裝喜劇
《丫鬟大聯盟》又見到佢
飾演一個官二代
但佢沉迷發明
並唔想考取功名當官
尋晚首播嘅劇集
《黃金有罪》又又又係洪永城
飾演大老闆身邊嘅高層員工
雖然話
TVB黃金時段都被佢霸屏
不過新劇《黃金有罪》
好似幾好睇？！
第一集播出後
大家嘅反應都唔錯！
尤其是聯交所嘅場景
好有《大時代》嘅feel！
《黃金有罪》究竟講咩故事？
點解咁吸引觀眾呢？
簡單D嚟講就係
波譎雲詭嘅股票市場鬥爭
加上七國咁亂嘅感情瓜葛
劇情以倒敘形式開展
第一集正直嘅老蕭
被股票大亨張兆輝跣咗一鑊
仲害到一班街坊損失慘重
唔止跣到老蕭一鑊泡
張兆輝出茅招逼人批咗一筆巨款
更陷入殺人疑雲當中
深愛張兆輝嘅姚子羚
堅信張兆輝冇殺人
同老蕭吵起上嚟
wow
咁刺激嘅劇情
觀眾就至like
而洪永城喺劇集中
飾演張兆輝身邊嘅得力助手
同陳瀅會有感情線
前幾日佢就po咗張
同陳瀅嘅劇照
仲留言話「賊公賊婆」
唔G呢pair
會點樣搞風搞浪？
可樂君都好想繼續睇落去！
另一邊廂
張兆輝身為有婦之夫
同姚子羚有感情線
而姚子羚同陳瀅
飾演嘅係性格不同嘅兩姊妹
而老蕭係劇中
係鍾意姚子羚嘅
感情線真係好亂啊！！！
well
六國大封相先有話題講
期待劇集之後嘅劇情發展啊！
至於洪永城主演嘅
另一部劇集《丫鬟大聯盟》
對觀眾嚟講都係幾輕鬆歡樂嘅
尤其是飾演霍家小姐嘅劉思希
真係好浮誇又好搞笑
嗱
雖然唔係個個都鍾意睇洪永城
但係有靚湯同陳瀅BB
而且劇集故事都幾吸引啊
咁你仲會唔會熄電視先？？？
資料來源：TVB官網
影視劇照
劇集截圖
藝人社交平台
編輯：Junko
官方唯一商務合作QQ：190218206