年前年後

可樂君都做咗好多個

唔同內容嘅盤點

有

【2010~2019】呢十年娛樂圈標誌性大事啦

有2019嘅甜蜜時刻啦

仲有韓劇排名

不過係

韓國人年度熱搜嘅韓劇同韓綜

當時都有唔少朋友投票

咁對於我哋來講

係國內最hit嘅韓劇又係邊部咧？

國內有唔少朋友都係用

「韓劇TV」追韓劇嘅

Well

最近佢就出咗個2019嘅榜單

最多人點擊觀看嘅韓劇

究竟係邊幾部咧？

第一位 德魯納酒店

由IU、呂珍九主演嘅劇集

可以話係大型「IU換裝記」

每一集IU都以多個造型出現

好似睇fashion show咁

劇中IU同呂珍九呢pair

可以話又甜又虐

睇到大家一邊歡笑一邊流眼淚

除此之外

滿月同高青明呢pair都好催淚

高青明化作螢火蟲守護千年

雖然呢一點十分老土

不過都係呃咗不少眼淚

配角嘅故事都好動人

比如話第四順位同池賢仲

呢pair一樣又甜又虐

而且配角嘅故事都唔馬虎

一樣賺人熱淚

所以德魯納榮登劇集榜首位

都非常合理！

同大家之前投票嘅結果

係一樣噶！

中意嘅fans都真係超多咯！

第二位 觸及真心

劇集由李棟旭、劉仁娜主演

佢哋曾經合作過《鬼怪》

劇中經歷過三世情緣

嚟到《觸及真心》

呢部輕鬆愉快嘅愛情喜劇

大家就當佢係二人嘅第四世情緣

終於可以開心嗑糖！

李棟旭、劉仁娜呢一pair

可樂君都覺得好有CP感

戲內戲外嘅互動

都一樣甜度爆炸

一有甜蜜互動

大家都會紛紛發彈幕話

將民政局搬過嚟要佢哋原地結婚

劇中仲有好多搞笑擔當

尤其是最後幾集

竟然想睇多D

段律師同崔律師嘅互動

話呢一齣劇係年度甜劇

大家有冇意見？？？

第三位 孤單又燦爛的神-鬼怪

餵呢部戲唔係2019年個wor！！

但2016年嘅劇集

至今大家依然念念不忘

可見大家有幾like呢部劇！

孔劉同金高銀呢一pair

糖分好高！

每一次嘅甜蜜互動

都睇到大家少女心爆炸

睇完之後

人人都想要一個

鬼怪大叔孔劉

至於地獄使者同Sunny

真係一對苦命鴛鴦

尤其是睇到劉仁娜流眼淚

真係太令人心痛啦！

所以大家睇到《觸及真心》嘅時候

腦補佢係第四世番外篇

地獄使者同Sunny

終於有happy ending

而最令人驚喜嘅CP

當然係孔劉同李棟旭

買菜呢一幕

睇過嘅實會記得！

最近李棟旭嘅talk show

都有請孔劉做嘉賓

兩人喺節目嘅互動

曾再度掀起一輪熱話！

其實唔止有劇集睇

小眾嘅泡麵番都係唔錯嘅

同埋若然要追星

韓國藝人嘅動態

或者係一D拍攝花絮

相信fans都唔會錯過

呢幾部超hit韓劇

你有冇睇過？

覺得邊部先係心目中最佳？

講真，迷妹真係太忙啦！

呢排仲有超多好睇嘅綜藝節目！

有啱啱播完嘅《新西遊記7》啦

播緊新嘅《美味的廣場》啦

咁多劇集咁多綜藝

呢個新年

可以慢慢追慢慢睇啦！

資料來源：韓劇TV

影視劇照

編輯：Junko

官方唯一商務合作QQ：190218206